تشتغل سيو عربي ولا إنجليزي؟!!

- مش عارف بصراحة أجاوبك كـ SEO .. ولا أجاوبك كـ Investor.
في ناس شافت البوست الإنجليزي اللي نزلته وكتبت فيه فيما معناه "اني جاهز لأي تحدي SEO جديد، لو عندك موقع إنجليزي تعالى نشوف ممكن نقدملك إيه" فسألوني انت مش هتشتغل عربي تاني ولا ايه!
الإجابة: عادي بشتغل عربي وإنجلش، لكن بحب الإنجلش أكثر... وهقولك ليه.
تعالى نعصر دماغنا شوية. وأقولك اللي واجهته في العربي وفي الإنجليزي كـ SEO و كـ investor
**************
انا عارف انكم مستعجلين، وانا كمان والله مش قادر اصبر لغاية ما الـSEO University تخلص... فقلت اقدملكم كبسولة كدة صغيرة.
جهز فنجان قهوة يساعد دماغك في معالجة المعلومات التالية. 😉
**************
نبدأ كـ SEO
اللي بيقولك المنافسة سهلة في العربي، سيبك منه. لأن برأيي الخاص ووجهة نظري الخاصة .. الاثنين واحد!!!
(ع رأي المثل الشعبي: ما أسخم من سيدي الا ستي" .. والموضوع هنا اساساً نسبي!
وتحب أصدمك كمان؟ ... الإنجلش أسهل 😏
- يعني ايه الكلام ده؟!
= يعني المنافسة سهلة في حاجات وصعبة في حاجات، ونفس الأمر في الإنجلش. بالإضافة لأن النيتشات المعروفة تحس انها مهروسة وفي يمكن ٥٠٠ الف واحد فاتح في نفس المجال! سواء عربي أو إنجلش
عندك مثلا، احنا حاليا شغالين على Market research ودراسة وافية لنيتش معين ومدى تغيرات ومستجدات السوق من شهر يناير 2021 لشهر يناير 2022. وتحليل أكثر من 10 الاف keyword بيربطوا النيتش ده كله ببعضه.
وناوي إن شاء الله انشر الدراسة دي بإذن الله في Green SEM University باللغتين العربية والإنجليزية. مع الإشارة في الـ Credits للجهات اللي ساهمت في الدراسة دي.
- إكتشفتوا ايه؟؟
= إكتشفنا ان في السنة دي: في أكثر من 120 موقع جديد دخلوا المجال ده، منهم Big Sharks ومنهم سمك بسارية صغير، والأغلبية العظمى من المواقع دي كانت General niche sites.
وبفحص الـ Big Sharks اكتشفنا ان منهم مجموعة دخلت بتقلها وعملت Coverage سريع للتوبيك .. ونشرت محتوى ضخم. سواء ع مستوى النيتش ده أو ع مستوى Broad أكثر. ومجموعة تانية محافظة ع معدل نشر ثابت وبحسب تحليل المحتوى اللي نشروه، هيقدروا يغطوا التوبيك بالكامل خلال عام 2022.
- بالنسبة للباك لينك؟
= وعلى مستوى الـ off-site، في باك لينكات بعدد ضخم ظهرت خلال السنة دي بتدعم المواقع في النيتش ده، بغض النظر عن مدى عشوائية بناء الباك لينك لبعض المواقع أو مدى تنظيم العملية لبعض المواقع الأخرى، بالإضافة طبعا للناس اللي مش في دماغها بناء باك لينك أصلاً. أو بتنشر مقال يمكن كل اسبوع أو أقل أحياناً
النتائج اللي وصلنا لها، خلتنا نسأل نفسنا الوضع كان ماشي ازاي قبل 2021!!
اكتشفنا ان الوضع في تزايد والمنافسة كل يوم بتتعقد أكثر وأكثر.
- وماذا عن الـ ROI ؟؟
= بالنسبة للدراسة دي تحديداً الـ ROI مختلف شوية، لأن في أكثر من بزنس مودل هنا، في ناس مثلا بتعتمد ع ادسنس، وفي ناس بتعتمد على الأفيليت، وفي ناس بتعتمد على أنواع ثانية زي الكورسات أو تقديم خدمات والأنواع دي الـ ROI فيها أعلى بكثير.
وبتحليل مدى اهتمام الجمهور بالكلمات دي، اكتشفنا تغيير في سلوك المستخدم نفسه اللي بيبحث في جوجل، يعني تحس ان المستخدم بيطور طريقة بحثه، وده بيخلي كلمات جديدة تظهر وكلمات قديمة تختفي، وكلمات كان عليها ترافيك ضخم اصبح عليها ترافيك أقل وكلمات عليها ترافيك أقل اصبح عليها ترافيك ضخم. بالتالي المنافسة كلها بتتشكل وتتغير وتتنوع بناءاً على سلوك المستخدم نفسه.
بالتالي كـ SEO الخطة اللي هعملها لـ 6 شهور ادام .. هيحصل فيها تغيير تقريباً مرتين! والخطة اللي هشتغل عليها لسنة ادام .. هيحصل فيها 4 تغييرات. التغييرات دي احتمال تحتاج تغيير ميزاينة وتغيير KPIs (وده بالمناسبة موجود في السوق الأجنبي، لكن التطور فيه ماشي برتم بطيء شوية).
أضف لذلك، انت كـ professional SEO في الموقع العربي بتتعامل مع مجتمع عنده أفكار غريبة شوية، زي مثلا:
- لما أنت استفدت بالفعل من مصدر ما, وخدت منه معلومة كويسة ساعدتك انك تكتب محتوى قوي وسليم من ناحية الـ Facts لموقعك، ليه ماتديش المصدر نفسه لينك حتى لو بيحمل وسم No-follow! مع ان لو اللينك دوفولو جوجل هتعرف انك بتربط لمصدر related بالـ Topic بتاعك وهتاخد أوثرتي أكبر. لكن مادام الطرف التاني هيستفيد، يبقى ولا انا ولا هو!
- حتى الصور .. نادراً بل يكاد يكون مستحيل تلاقي موقع عربي بيكتب Credit للصورة حتى لو مجرد منشن بدون لينك!
- يا جماعة دي حتى بوستات الفيس بوك بتاعتي نفسها بشوفها بعنيا في جروبات وفي سوشيال ميديا تشانلز مختلفة بدون ذكر اسمي أو حتى في نهاية البوست نقلاً عن فلان! وبينسب الفضل كله لنفسه!
- الـ Email out-reach في العربي ما بين كل 300 ايميل بتبعته، بيرد منهم 1 أو 2 .. وغالباً بيرد عشان يطلب فلوس مقابل الباك لينك أو يرفض الفكرة من الأساس.
- المبالغة من أصحاب المواقع في تقييم سعر الباك لينك، يعني تلاقي موقع الـ Metrics بتاعته ضعيفة، بس لقلة مصادر الباك لينك بتقول أهو "نوايا تسند الزير" وتلاقي صاحب الموقع بيقولك 50$ و 100$ و أحيانا والله 800 دولار!
- (وأسف جداً عاللفظ) "أوسخ" حاجة بقى بجد بجد بجد في العربي، اللي تلاقيه بيأجرلك الباك لينك، يعني يقولك الباك لينك لمدة شهر بكذا!
(مع كامل احترامي للجميع بس ده غلط والله)!
يا سيدي الفاضل، انت موقعك أصلا مش هيأرشف الباك لينك قبل شهر! يعني استفدت انا ايه! وانا للأمانة اشتغلت أد ما اشتغلت في المواقع الأجنبية، عمري ما قابلت حد بيأجر لينك في موقعه! دي ميزة مش هتلاقيها غير عند اصحاب المواقع العربي.
- مصادر الباك لينك بقى حدث ولا حرج.
- مصادر الـ Business listings كمان ضعيفة جداً
وبعد كل ده حد يجي يقولي المنافسة في العربي أسهل!
أما بالنسبة كمستثمر .. الـ ROI طبعا مفيش كلام، الإنجلش أعلى بكثير.
أسف عالإطالة.
محمد فايق - Green SEM